അമേരിക്കയില് വെച്ച് പൂച്ചകളുടെ ഒരു ഗുസ്തി മത്സരം നടന്നു . ലോകത്തിലെ എല്ലാ പൂച്ചകളും മത്സരത്തിനുണ്ട്. കൂട്ടത്തില് സോമാലിയയിലെ പൂച്ചയും. ആദ്യം അമേരിക്കയിലെ പൂച്ചയും ജര്മ്മനിയിലെ പൂച്ചയും തമ്മില് ഗംഭീര മത്സരം നടന്നു .
അമേരിക്കയിലെ പൂച്ച വിജയിച്ചു .ബ്രിട്ടനും ഫ്രാന്സും മത്സരിച്ചു. ബ്രിട്ടണിലെ പൂച്ച വിജയിച്ചു . നല്ല വാശിയുള്ള മത്സരങ്ങള് ... സമ്പന്ന രാജ്യങ്ങളിലെ പൂച്ചകളുടെ മത്സരം കാണാന് പതിനായിരങ്ങള് അവിടെ എത്തിയിരുന്നു, അവസാനം എല്ലാവരും പ്രതീക്ഷിച്ചപ്പോലെ അമേരിക്കയുടെ പൂച്ച ഫൈനലില് എത്തി .പക്ഷേ എല്ലാവരെയും അത്ഭുതപ്പെടുത്തിക്കൊണ്ട് സോമാലിയയിലെ പൂച്ചയും ഫൈനലില് എത്തി . ആളുകള് കൂവാന് തുടങ്ങി. രണ്ട് ഇടിക്ക് അല്ലെങ്കില് മൂന്നിടിക്ക് . സോമാലിയയിലെ പൂച്ച തരിപ്പണമാകുമെന്ന് ബൂര്ഷാ കാണികള് അലറിപ്പറഞ്ഞു.
മത്സരം തുടങ്ങി ,കനത്ത മത്സരം , ഇഞ്ചോടിഞ്ച് പോരാട്ടം. മത്സരം കുറെ നീണ്ടു അവസാനം എല്ലാവരെയും അത്ഭുതപ്പെടുത്തികൊണ്ട് സോമാലിയയിലെ പൂച്ച വിജയിച്ചു .
കിട്ടിയ കപ്പും വാങ്ങി വേച്ച് വേച്ച് നടന്നു പോവുകയായിരുന്നു , അപ്പോഴുണ്ട് മുന്നില് അമേരിക്കയിലെ പൂച്ച സോമാലിയയിലെ പൂച്ചയുടെ അടുത്തേക്ക് വന്നു .
സോമാലിയയിലെ പൂച്ച ചിരിച്ചു .
അമേരിക്കയിലെ പൂച്ച ചിരിച്ചില്ല . എന്നിട്ട് പറഞ്ഞു ഞാന് അമേരിക്കയിലെ പൂച്ചയാണ് ,നിന്റെ നാട്ടില് നിങ്ങളുടെ പ്രസഡന്റ് തിന്നുന്നതിനെക്കാള് നാലിരട്ടി ഭക്ഷണമാണ് ഞാന് കഴിക്കുന്നത് ,മണ്ണ് മാത്രം തിന്നാന് കിട്ടുന്ന ഒരു നാട്ടില് നിന്നുവന്ന് എങ്ങിനെ എന്നെ തോല്പ്പിച്ചു !!??
സോമാലിയയിലെ പൂച്ചക്ക് ആ വാക്കുകള് കേട്ടപ്പോള് അത് ഉള്ളില് തട്ടിയുള്ള സംസാരമാണെന്ന് മനസ്സിലായി .
പൂച്ച പ്രതികരിച്ചു
പ്രിയ സുഹൃത്തേ നീ ആരോടും പറയില്ലെങ്കില് ഞാനൊരു കാര്യം പറയാം . ഞാന് സോമാലിയയിലെ പൂച്ചയല്ല . പുലിയാണ് .... ഇതും പറഞ്ഞ് ആ പൂച്ച വേച്ച് നടന്നു പോയി .
അവിടുന്നും ഇവിടുന്നും ഒക്കെ കിട്ടിയ കുറെ തമാശകള്
Comments
Post a Comment